G20 Meeting chungchang AMC hrilhfiah

Sub-Committee on Overall Coordination on G20 Meeting chuan nimin khan Aizawl Municipal Corporation (AMC) pisaah AMC hotute tan Mizoramin G20 Business Meeting a thlen tur an hrilhfiah.

Sub-Committee member secretary David H Lalthangliana chuan, March 2, 2023-a Aizawlin G20 Business Meeting a thlen turah AMC thawhpuina leh ṭawiawmna an mamawh thu a sawi a, "Ram dang mikhual lo kal turte'n Mizoram hi state fai tak, state nuam leh mipui hawihhâwm tak nia min hmuh thei nan an kalna tur hmunhmate fai taka kan enkawl a ngai a, bawlhhlawh thlahdah loh te, hawihháwm taka lo dawnsawnte a pawimawh dawn," a ti a; local council-te pawhin a pawimawh dan an hriat a ṭul thu a sawi.

Aizawl mayor Lalrinenga Sailo chuan, hlawhtling taka G20 Meeting neih a nih theih nan AMC-in a ṭul apiang a ti dawn tih a sawi a, "A bik takin Home department leh sub-committee hrang hrangte'n AMC min finchhuah a ngai a, a ṭul apiangah kan inhawng reng a ni," a ti.