Aizawl Bawrhsap Pisapui sak ṭhat dan tur sawiho

Chief minister Zoramthanga kaihhruaiin nimin khan sorkar hotute leh a kaihhnawih pawl aiawhte'n CMO Cabinet Meeting Room-ah Aizawl Bawrhsap Pisapui sak ṭhat dan tur an sawiho a; an rorelte chu Cabinet meeting-a ngaihtuah leh turin an dah.

Aizawl Bawrhsap Pisapui, heritage building-a puan ni bawk chu December 17, 2021 khan a kâng a; nimina ṭhutkhawmah hian Bawrhsap Pisapui sak ṭhat dan tur rawtnate leh Indian National Trust for Art and Cultural Heritage (INTACH), Mizoram Chapter-in rawtna an thlente sawiho a ni.

Ṭhutkhawmah hian adviser to CM (Technical) K Lalsawmvela, secretary to CM K Lalthawmmawia, Public Works department hotu te, Aizawl bawrhsap Dr Lalhriatzuali Ralte leh a thawhpuite an tel a ni.