Jonas Brothers-in hla thar pahnih tichhuak

Jonas Brothers chuan Ningani khan hla thar pahnih 'X' leh 'Five More Minutes' an tichhuak.

'X'-ah hian  Colombian singer Karol G an thawhpui a, an hla thar pahnihte hi an ram huna Ni­ngani zanlaiah khan a rualin an tichhuak a ni. 

Jonas Brothers hi hun eng emaw chen an reh hnuah nikum khan album 'Happiness Begins' an tlangzarh a, kum 10 lai a liam hnua an album tihchhuah leh hmasak ber a ni.

Nikum lama an single tihchhuah pathum Sucker, Cool leh Only Human-te pawh kha 'Happiness Begins'-a mi vek hi a ni a, tuna an hla tihchhuah tharte erawh hi hla thar hlak a ni thung.