MNF sorkarin Lunglei tan hmasawnna tam tak a thawk - MNYF President

Mizo National Youth Front (MNYF) hruaitute chuan nimin khan MNF Sub-Headquarters, Lunglei pisa an tlawh a, MNYF president Dr L Thangmawia chuan Lunglei tan MNF sorkarin hmasawnna tam tak a thawk niin a sawi.

Dr L Thangmawia chuan chief minister Zoramthanga kaihhruaina hnuaiah MNF sorkar chuan Lunglei mipuite hmasawnna turin hmasawnna hna tamtak a thawk tih sawiin, "Kumin chhunga chhungkaw nuai 1 tuamchhuak thei turin SEDP pawh kalpui mek a ni," a ti.

Lunglei khawpui enkawltu municipal council inthlan hmachhawn a nih dawn thu sawiin MNYF President chuan, "MNF mipuite kan ṭanrual a ngai," a ti a, Lunglei mipui pawhin municipal council dintu MNF hnenah lawmthu sawina an lantir ngei a beisei thu a sawi.

MNYF vice president Zodinpuia pawhin thu sawiin, "Kum 2018 a MNF-in a manifesto-ah zirlai leh ṭhalaite tan hmalakna tura tarlan point 11 chu tihhlawhtlinvek a ni tawh. Aizawl khawpui chhungah MNF boruak a ṭha chho zel," a ti.

MNYF hruaitute hian nimin vek khan Lunglei Municipal Council office an tlawh a, Dr L Thangmawia chuan, MNF sorkarin Lunglei mipuite a ngaihsak avangin sum harsatna hnuaiah pawh municipal council inrelbawlna turin kum 2021-2023 chhungin cheng nuai 160 chuang budget aṭangin a ruahmansak tawh thu a sawi.