Police-in fimkhur turin mipui an chah

Mizoram Police chuan thuchhuah siamin, tun hnaiah Reserved Bank of India (RBI) master card lem hmanga inbumna a awm ṭhin avangin fimkhur turin mipui an chah.

Police thuchhuah chuan, tun hnaiah RBI-a thawk nia inchhálte’n mi ṭhenkhat hnenah an hming chuanna RBI master card lem, ATM card anga hman tur chi an thawn tih tarlangin, "Master card hi ATM booth-ah activate tirin, pawisa vawi khatah Rs 10,000 an lak chhuahtir ṭhin. Card lem leh number lem a nih avangin tu bank account ber aṭanga lak chhuah nge tih a hriat hleih theih loh a, hetiang thil hian beisei loh lamah harsatna lian tak min thlen thei a ni," a ti.

Mizoram Police thuchhuah tarlan danin, RBI-in master card a pe chhuak ngai lo a ni.