JICA Sustainable Farming System zirho

Irrigation and Water Resources minister C Lalrinsanga hoin nimin khan a pisaah Mizorama buh leh bâl intodelhna tura hmalakna tur, JICA Sustainable Farming System (JIFAS) zirho a ni.

Ṭhutkhawmah hian, JIFAS hnuaiah RD block 27-ah CSS aṭanga sum awm theite hman ṭangkai a, a indawta hmalakna kalpui tum a nih thu leh, loneitute duh dan leh mamawhte a kaihhnawih department-te nen a huhoa zirchiang hmasain, ram mil tur leh hlâwkpui tur chin a nih theih nan ruahmanna fel tak siam tum a nih thu an tarlang.

JIFAS hi Agriculture, Horticulture, Land Resources Soil & Water Conservation leh Irrigation & Water Resources department-te thawhhona a ni a; a tum ber chu - kum 20 (2015-2035) chhunga kum tin 4%-a Mizoram ei leh bar dinhmun tiṭhang a, 50% tala hmasawnna neih theihna tura hmalak a ni.