PC party-in an pisa an thlah

21st January, 2023

Peoples Conference party chuan an pisa chu an sa ṭha dawn a, an pisa hman mek thlahna inkhawm nimin khan an hmang.

PC party pisa thlahna inkhawm hi an party vice president Lalrinzuala Chawngthu-in a kaihruai a; president Vanlalruata'n thu sawiin, PC party kaltlanga minister, MLA leh hruaitu lo ni tawhte'n party leh ram tana sûl an sut tawhnate a ngaihhlut thu leh, PC-in theihtawp chhuahin ram tan hruaitu hmasate hnathawh chhunzawm zel an tum thu a sawi.

PC party pisa hi a hmun ngaiah RCC-in chhawng ruka sak tum a ni a, February 2023-ah sak ṭan an tum a, a hmingah 'Brig. T Sailo Rûn' an vuah dawn a ni.