Adhoc aided school-te dinhmun sang zawka dah turin sorkar ngen

Mizoram Govt. Adhoc Aided High School Teachers Association (MIGAHTA) chuan thuchhuah siamin, adhoc aided school-te sorkara la (provincialise) turin Mizoram sorkar an ngen nawn leh tih an tarlang a; hemi chungchangah hian MIGAHTA hruaitute'n nimin khan School Education minister Lalchhandama Ralte chu a inah an hmu.

MIGAHTA chuan, School Education Minister-in adhoc aided school-te dinhmun sang zawka dah ṭul a tih thu leh nasa taka hma a lak mek thu a lo hrilh tih sawiin, "Lawmawm kan ti. Legislative Assembly budget session awm turah hian adhoc school-te upgrade-na tur pawh budget-ah dah ve ngei turin Minister kan ngen a ni," an ti.

Adhoc aided middle school leh high school zirtirtute inzawmkhawm pawl, MIGASTU hruaitute pawhin tun kar tir lam khan Human Resource Development Board vice chairman L Thangmawia an hmu a, adhoc aied school-te dinhmun sang zawka dah ngei a ṭul thu an thlen a ni.