Leiṭha tawlh rûk Ip 2,400 man

Khawzawl police-te leh Agriculture department mite'n Police Mobile Naka Joint Operation neia hma an laknaah January 20, Zirtawpni khan leiṭha (urea) ip 2,400 an man.

Police thuchhuah tarlan danin, leiṭhate chu Vairengte kaltlanga dan loa lak luh niin, Champhai lam panpui a ni a; lirthei panga hmanga phurh niin, Khawzawl Chhûmliamkawnah an lo man a ni.

Leiṭha hi ip khatah kg. 45 zel awmin, black market rate angin Rs 16,80,000 man a ni.