Bilkhawthlirah kuhva man belh

Bilkhawthlira kuhva chîngtu pawl, Kuhva Chîngtu Cooperative Society chuan January 20, Zirtawpni zan khan Assam lam lirthei TATA pick-up AS-11 EC-2068 aṭangin ram dang aṭanga dan loa lak luh nia hriat kuhva rah ro ip 30 an man leh a, lirthei aṭanga hlân thlâk a nih hnuah hâl zui a ni.

Kuhva Chîngtu Cooperative Society, Bilkhawthlir te hi dan loa kuhva tawlh ruk tihtawp a nih theih nan December 14, 2022 aṭang khan chhun zan zawmin Bilkhawthlir dáiah an duty a, kuhva phur nia an rinhlelh lirtheite an enfiah ṭhin. Nikum December 14 aṭanga nimin thleng khan kuhva rah ip 420 vel an man tawh a ni.