Minister-in hna thawh tur a enfiah

Minister of state TJ Lalnuntluanga chuan January 21, Inrinni khan a bial, Champhai South chhunga Special Assistance to States for Capital Investment (SASCI) kaltlanga kawngpui siam leh cheibâwl turte a enfiah a; PWD leh khawtlang hruaitute'n an ṭawiawm.

Minister hian Champhai Bethel Veng ZBC biak-in aṭanga Mualnuam panna inkar kawng (metre 840)-a cheng nuai 15 sénga lung (bolder) phah tur te, Bethel Veng IKK biak-in bul aṭanga Zion Veng ramri inkar Venghlun Road (km 1.35) cheng nuai 135.54 sênga zauh leh blacktop tur te, Champhai Vengthar leh Zote BRTF Road inkar (km 1.54) cheng nuai 164.46 sênga blacktop tur te, cheng nuai 30 sênga Champhai Zotlang Khawulh panna kawng (metre 350) whitetop tur te, cheng nuai 10 sênga Dinthar Venga Kendriya Vidyalaya panna kawng zauh tur leh Kanan Venga futsal ground siam mek leh khelmual siam turte a en a ni.