Academic session tharah uniform rawng inang hman ṭan a ni dawn

Academic session thar, 2023-24 aṭangin Mizoram sorkar hnuaia sikul zawng zawngah zirlaite thawmhnaw (uniform) rawng inang vek hman ṭan a ni dawn. Session thar hi April 2023-ah ṭan beisei a ni.

School Education department hotute hnen aṭanga thu dawn danin, zirlaite uniform rawng inang tlang hman tur chungchangah hian hriattirna chhuah a ni tawh a; uniform puan tur lei leh sem chhuah chu sikul tinin anmahnia an inbuaipui turin dah a ni.

Uniform tura ruahman chu - primary school-ah kekawr, pawnfen leh kawrfual rawng atan a dumpâwl a ni a, kawr (kamis) chu a var bán bùl a ni ang. Middle school tan kekawr leh pawnfen vutbuak rawng leh kamis var bán bùl a ni a; high school leh higher secondary zirlai tan kekawr leh pawnfen dum leh kamis var bán tlâwn a ni ang.