MSSSB ṭhiat turin sorkar phût

National Students' Union of India (NSUI), Mizoram State chuan, sorkar hna hrang hrang thawktu la tura Mizoram sorkarin a din Mizoram Subordinate Services Selection Board (MSSSB) chu MNF party mite induhsakna tura din a nih avangin ṭhiat turin sorkar an phût.

NSUI chuan thuchhuah siamin, sorkar hna thawktu tur la turin Mizoram Public Service Commission a awm tih an tarlang a, "MPSC a awm reng laia party mite induhsakna tura MNF-in a din MSSSB hi ṭhiat turin MNF sorkar kan phût a ni," an ti a; January 2023 chhunga MSSSB Chairman bàn tura MZP-in sorkar an phût chu an thlàwp thu an tarlang bawk.

MPCC president Lalsawta'n, 'Party mite induhsakna atana din board phuahchawp MSSSB hi Pathian zarah sorkarna kan chan chuan kan ṭhiat ang,' tia a sawi tawh chu an thlàwp zel dawn thu NSUI chuan an tarlang bawk.