Swab sample 21,523 endik tawh
August 1, Inrinni thleng khan Mizoram aṭangin swab sample 21,523 endik a ni tawh a, chu'ng aṭang chuan Covid-19 hripui vei mi 468 (2.17%)hmuh chhuah a ni tawh.
Mizoram aṭanga Covid-19 vei leh vei loh hre tura swab sample endikna hmasa ber National Institute of Cholera and Enteric Diseases (NICED), Kolkata-ah mi panga endik a ni a, Guwahati Medical College-ah mi 12, Silchar Medical College-ah mi 41, Zoram Medical College-ah mi 19,989, Lunglei Civil Hospital-ah mi 1,085 leh Rapid Antigen Test hmangin mi 419 endik tawh a ni.
Swab sample endik tawhna hrang hranga hripui vei hmuh chhuah tawh dan chu - Guwahati Medical College-ah mi pakhat, ZMC-ah 437, Lunglei Civil Hospital-ah 27 leh Rapid Antigen Test hmangin pathum an ni. August 1, Inrinni tlai dar 5 thleng khan Mizoram luhka hrang hranga screening point-ah mi 1,46,998 enfiah an ni tawh a, Rapid Antibody Test (RAT) hmangin mi 16,737 endik an ni tawh bawk.