SRH-ah mi 25 awm mek

State Referral Hospital (SRH)-ah nimin khan Covid-19 vei mi pathum dah luh a ni a, August 1, Inrinni khan mi pahnih dah luh a ni. Hripui vei rinhlelh thilah nimin khan mi pahnih dah luh a ni a, Inrinni khan mi paruk dah luh a ni bawk.

SRH-ah hian Covid-19 vei mi 25 an awm mek a, ICU-ah pahnih, SICU-ah pathum leh Isolation Ward-ah 20 an awm. Isolation Ward leh SICU-a awmte'n harsatna an nei lo a, ICU-a awm mekte dinhmun a la ngai rih tih, SRH-ZMC Bulletin chuan a tarlang.