Chapchar Kût 2023 thupui atan 'Zo fate inpumkhatna' tih thlang

Chapchar Kut Organi­zing Committee chu nimin khan an chairman Zoram­thanga, chief minister hoin Chief Minis­ter's Office con­ference hall-ah an ṭhukhawm a; kumin Chapchar Kût thu­pui atan 'Zo fate inpum­khatna' tih an thlang.

Committee hian March 3, 2023-a Chap­char Kût hman dan tur an an rél a, "Kum hnih chhung hripui léng vanga Chapchar Kût hman dan ṭhin pangngaia hman theih loh hnuah kumin chu boruak a ziaawm tâk avangin a hmaa lo tih ṭhin angin huam zau taka hman ni leh se," an ti.

District tin leh state páwna Chapchar Kût lawmna puala sum hman tur sawiho a ni a, a lawmna pui ber Lammuala hman dan tur chipchiar chu Programme Committee duan turin dah a ni.

Chapchar Kut souvenir siam an rêl a, souvenir-ah kumina kût hmanna hlimthlate dah a, post-souvenir-a siam leh ni se, an ti. Kût pualin mahni remchan dan anga hnam thuam inbel tura inngen ni se, an ti bawk.