PC President-in BJP beih rawn turin pawl tin leh mi tin a sáwm

PC party president Vanlalruata chuan nimin khan an party pisaa ṭhutkhawmah thu sawiin, Mizorama BJP party ṭhang zel dan chah ṭul an tih thu a sawi a, BJP beih rawnpuiah political party leh pawl dang zawng zawng bakah mi tin a sáwm.

Vanlalruata chuan, an party thupui chu 'Kan ram, kan hnam, kan sakhua a him tur a ni' tih a nih thu sawiin, Mizorama BJP ṭhang zel dan chah ṭul an tih thu a sawi a, "BJP hi political party pakhat a ni a, party a nihnaah sawichhiat emaw, sawihnâwm emaw bik tur a ni lo a, sorkarna an chana an hmalaknaah pawh thil ṭha tam tak an ti. Chutih laiin, an hmalakna leh thil tum ṭhenkhat hi Mizoram, Mizo hnam leh kan Kristianna tan a ṭha lo a, hei hi Mizote'n kan do a ngai a ni," a ti.