National Girl Child Day khâr a ni
Mizoram hmun hrang hrangah nimin khan National Girl Child Day puala chawlhkar khat chhung hun hman khâr a ni a, Day puala zirlai naupangte tana inelna buatsaiha ti ṭhate hnenah lawmman sem a ni.
Aizawlah chuan Tourist Lodge, Chaltlangah hun hman a ni a, Social Welfare minister Lalrinawma'n a hmanpui. Minister chuan, Mizo nunphungah hmeichhiate dinhmun a pawimawh thu sawiin, "Chhungkaw hrang hrang, khawtlang leh veng tinah hmeichhiate mawhphurhna a sang hle a ni," a ti a, hmeichhiate chu tuna an thlen chinah duhtâwk mai loa theitawp chhuah zel turin a fuih.
Sorkar laipui leh Mizoram sorkar pawhin hmeichhiate chanvo humhim leh vawn dik a ngai pawimawh hle tih sawiin Lalrinawma chuan, "National
Girl Child Day hian rah ṭha chhuah ngei se a duhawm hle. Hmeichhe naupang dikna leh chanvo vawnhim sak ang u. Khawvel hmaah hmeichhiate hian kan hnam min chawimawi thei a ni," a ti.