Kawng siam chungchang sawiho

Khawzawl district bawrhsap CC Lalchhuang-kima kaihhruaiin nimin khan sorkar hotute leh NHIDCL aiawhte'n DC conference hall-ah national highway (NH)-6 siam meka hmalak tawhna, hmachhawp leh harsatnate an sawiho.

CC Lalchhuangkima chuan, kawng siamtute chu fûr ruahtui tlak hma ngeia theihtawp chhuaha hna thawk tur leh ṭhál laiin chak lehzuala thawk turin a hrilh a; harsatna leh mamawh an neihte thuneitute hnena thlen thuai turin a chah.

Ṭhutkhawmah hian kawng siamin a kaihhnawih department hrang hrang hotute chuan an thlen chin leh harsatna an tawhte an sawi a, a ṭul dan azirin a huhoa enfiah (joint verification) an rél a ni.