Lunglei Fire Station hnenah chawimawina hlan dawn

Ministry of Home Affairs (MHA) chuan, chhiatna hmachhawnnaa thawk ṭhate chawimawina, Subash Chandra Bose Aapda Prabandhan Puruskar dawng turin Lunglei Fire Station a thlang.

Subash Chandra Bose Aapda Prabandhan Puruskar hi kum 2019 khan siam ṭan a ni a; department, office, pawl leh mimal hnena hlan ṭhin tura tih niin, chawimawina hmasa ber chu kum 2022 khan hlan a ni.

Award chungchang ngaihtuah tur hian Mizoram sorkar chuan State Award Committee on Subash Chandra Bose Aapda Prabandhan Puruskar a din a; Committee chuan April 24-26, 2021 chhunga Lunglei khawpui chhehvela ram kâng nasa taka theihtawp chhuaha kâng ṭhelh hna thawktu Lunglei Fire Station chu chawimawi phû nia hriain Union Home Ministry-ah ziakin an thlen a ni.

Tehna hrang hranga an teh hnuah leh endik tura ruatte'n an endik hnuah chawimawina dawng turin Lunglei Fire Station chu thlan a ni a; chawimawina hian cheng nuai 51 leh thuchei a keng a ni.