Minister-in khelmual siam tur a tlawh

Sports & Youth Services minister Robert Romawia Royte chuan nimin khan Phunchawng leh Sairanga khelmual laih thar tur a tlawh a, bialtu MLA Zothantluanga'n a ṭawiawm.

Sorkar thuchhuah tarlan danin, Phun-chawng leh Sairanga khelmual siam turte chu mi ṭhahnemngaite sum thawh khawm leh CSR sum hmanga thawh tum a ni a, Operation Mualzavata tia vuah a ni. Operation Mualzavata project tho hmangin Keiṭum khelmual siam mek a ni bawk.

Sports Minister hian Sairang khelmual thar bula Myanmar ráltlân chhungkaw panga a tlawh nghal a, ṭanpuina pawisa a pe a ni.