National Voters Day hman a ni

Nimin kha National Voters’ Day vawi 13-na a ni a, India ram hmundang rualin Mizoram hmun hrang hrangah hman a ni. Voters' Day thupui chu ‘Nothing like voting, I vote for sure’ (vote thlak hi a pawimawh takzet a, vote thlak ngei ka tum) tih a ni.

Mizorama a hmanna pui ber Aizawl­ah chuan Governor Hari Babu Kam­bhampati hoin Assembly confe­rence hall-ah hman a ni a; Mizo Higher Se-condary School zirlaite kaihhruaiin vote thlak chungchang thutiam an sawi rual.

Governor Hari Babu Kambhampati chuan, Mizoramin inthlan a lo hma­chhawn tawhahte hlawhtlinna langsar tak a awm thu a sawi a, "Kan hlawh­tlinnate hi state dangte entawn mek a ni a, a chhuanawm hle a ni. Political party-te leh mipui vantlang thuawih­na leh inthlan thiang­hlim kalpui ṭha tih leh ngaihhlutna avangin boruak muanawm tak hnuai­ah thianghlim taka inthlan­pui neih a ni ṭhin," a ti.

Inthlanna hlawhtling leh thianghlim a awm theih nan Mizoram People’s Forum (MPF) leh Young Mizo Association (YMA) te'n an thawh hlawk thu te, January 1, 2023 qualifying date atana hmanga Summary Revision of Photo Electoral Rolls pawh ṭha takin January 13, 2023 khan tlangzarh a nih thu te, he summary revision atana theihtawp chhuahtu zawng zawngte chungah a lawmthute Governor chuan a sawi bawk.

He hunah hian Booth Level Officers (BLO) hnathawk ṭhazual mi 12 hnenah Governor chuan Best Performing BLO Award a hlan a, vote nei thar thlan chhuah mi 10-te hnenah EPIC a sem bawk a ni.