Zuk leh hmuam laka indopui Puan a hun tawh - CM Zorama

26th January, 2023

Ramhlun Venglai Branch MHIP chuan nimin khan an kum 25 (silver jubilee) tlin an lawm a, an hun hmanpuitu chief minister Zoramthanga chuan, "Ruihhlo mai bakah zuk leh hmuam laka indopui kan puan a hun tawh a ni," a ti.

Zoramthanga chuan, hmasawnna atan taksa hrisel a pawimawh thu sawiin, "Mimal, chhungkua leh khawtlang hmasawnna atana hriselna a pawimawh avangin ruihhlo mai bakah zuk leh hmuam laka fihlim hi chonaah ngai ang u," a ti a, MHIP member-te chu midang kaihruaitu ni turin a chah.

Chief Minister chuan mihring hi a mal ringawta a awm chuan a chak tâwk lo ṭhin tih sawiin, "Inzawmkhawmna hi chakna a ni. MHIP-ten khawtlang nun hmasawnna atana pawl anga hma an lo lâk tawhnate a lawmawm," a ti.

Ramhlun Venglai Branch MHIP-ten jubilee monument an siam chu Chief Minister hian a hawng a ni.