Adopt village bulṭanna hun hmang

Tourism minister Robert Romawia Royte chuan nimin khan Hmuifang Tourist Resort conference hall-ah Govt. Aizawl College (GAC) Pilot Survey of Adopted Village & School bulṭanna a hmanpui a, adopted village-Hmuifang khua leh GAC-te chu an thawhdunna thuthlung (MoU) ziah anga tihlawhtlingtu ni ve ve turin duhsakna a hlan.

He huna tarlan danin, GAC hian kum 2019 aṭang khan adopted village atana Hmuifang khua an thlang tawh a, ṭum hnih MoU an ziak tawh. GAC-a department pakua chuan an adopted village - Hmuifang khuain kawng hrang hranga hma a sawn theihna tur an zirchhiang dawn a; kum khatah a thlawna inentirna (medical free clinic) ṭum hnih neih tum niin, Hmuifang khaw mi GAC-a zirte chu a thlawnin admission tihsak an ni.