Minister-in coffee plantation a tlawh

Land Resources, Soil & Water Conservation (LRSWC) minister R Lalzirliana chuan nimin khan Synod Hospital, Durtlanga coffee plantation a tlawh a; damdawi-in chhehvela thing hmang ṭangkaia coffee kung 3,000 vel an phun rah sawngbawl nan Coffee Plantation Board aṭangin khawl chah mek a nih thu a sawi.

R Lalzirliana chuan, kum 2014 vel bawr chhoa Synod Hospital-a thawktute leh department hmalaknaa coffee chìn a ni chu lawmawm a tih thu a sawi a, "Damdawi-in chhehvela thing hmang ṭangkaia coffee kung 3,000 vel an phun rah an sawngbawl nan Coffee Plantation Board aṭangin khawl chah mek a ni. He khawl hmang hian a rah hi an sawngbawl a, Synod Hospital-a thawktute leh damlote'n ṭangkai taka an hman ka beisei," a ti.

LRSWC Minister chuan LRSWC department lama soil scienstist-te'n a chìnna leilunga lei ṭha pek dan tur an zirchian tur thu pawh a sawi.

He hunah hian Synod Hospital director Dr Lalṭhakima pawhin thu a sawi a; Minister hi LRSWC director Hualthanga Chhakchhuak leh FOCUS hnuaia thawkte'n an ṭawiawm a ni.