Returnee-te chhawmdawl chungchang sawipui

New Delhi-a châm mêk Lok Sabha MP C Lalrosanga chuan nimin khan MNF returnee hotute chu sorkar laipuia Union Home additional secretary Pijush Goyel, hmarchhak bialtu a hmuhpui a, Mizoram leh India sorkar inrem­na thuthlung anga returnee-te chhawm­dawl chung­chang an sawipui.

C Lalrosanga chuan Pijush Goyel hnenah hian, Mizoram inremna thuthlung siam chu hlawhtling hle mah se, returnee-te chhawmdawlna pek dan erawh a tluantling rih lo tih a sawi a, "Chenna tur in sakna leh inbenbelna kawngah sorkar laipui ṭanpuina an la mamawh hle," a ti.

Myanmar leh Bangladesh aṭanga sahimna zawnga Zo hnahthlak rawn tlan lutte dawnsawn leh chhawmdawl chungchang sawiin C Lalrosanga chuan, "Mihring dikna leh chanvo humhalh sak mai bakah, a theih ang anga ṭanpui an ngai," a ti a; Pijush Goyel chuan Bangladesh lam hotute pawh Mizorama rawn tlan lutte chungchang hi a sawipui tawh tih a lo hrilh.

He hunah hian returnee aiawhte pawhin harsatna an tawh dan leh chhawmdawlna an la hmuh kim loh dante Union Home Addl. Secretary chu an hrilh a ni.