Padma Shri dawng turin KC Runremsangi thlan a ni

India rama chawi­mawina sang, Padma Shri dawng turin zaithiam KC Runremsangi w/o Lalthanmawia, Bawng­kawn South thlan a ni.

KC Runremsangi hi March 1, 1963-ah Keiṭum khuaah a piang a, zaithiam niin, audio album pariat a tichhuak tawh. Art & Culture depart­ment-ah dance instructress a ni mek a, zai leh lâm lamah a thawh hlâwk avangin Padma Shri dawng tura thlan a nih thu January 25, 2023 khan puan a ni.

Padma Shri dawng tur hi rawttu an awm a ngai a, KC Runremsangi hi Mizoram sorkara Art & Culture department-in an rawt nia thu dawn a ni. Chawimawina hi hun remchang hmasaah President-in a hlân ang.