Governor-in CADC sorkar a titàwp rih

Governor Dr Hari Babu Kambhambati chuan Chakma Auto­nomous District Council (CADC) sorkar chu titàwp (suspend) rihin, Governor's Rule-ah a dah a, CADC sorkar thuneihna zawng zawng a kutah a dah.

CADC sorkar Governor-in a suspend chungchangah hian January 24, 2023 khan hriattirna tihchhuah a ni a, Sixth Schedule 16(2) angin CADC sorkara thuneihna leh mawhphurhna hrang hrangte chu Governor kutah dah a nih thu tarlan niin, "Chuvangin, CADC hi 'suspension' hnuaiah ka dah a ni," tih a ni.

Hetih lai hian, CADC sorkar hi ṭhiah (dissolve) a ni lo a, MDC-te pawh MDC an la ni reng tho nia thu dawn a ni. CADC sorkar hi December 2022 khan Governor's Rule-ah dah a lo ni tawh bawk.