ZPM ṭhalaiin DIET lecturer-te hlawh pe turin Mizoram sorkar an phût

ZPM Ṭhalai chuan thuchhuah siamin, Mizoram district hrang hranga district institute of education and training (DIET)-a thawkte'n thla ruk chhung hlawh an lak tawh loh thu an tarlang a, hlawh pe thuai turin Mizoram sorkar an phût.

ZPM ṭhalaite chuan, hun rei tak hlawh lâk tawh loh vangin DIET-a thawkte an rilru a hah a, an mangang hle tih tarlangin, "Thla ruk deuh thaw hlawh la loa an awm hian MNF kaihhruai Mizoram sorkarah zirnain ngaihsak a hlawh lohzia a tarlang chiang hle. Chhuanlam dang siam loa hlawh táng zawng zawng tun thla tawpa pe chhuak tur leh thla dangah pawh a hun dik takah hlawh pe ngei turin MNF sorkar kan phût a ni," an ti.