Khawthlang lamah kuhva rah hâl a ni

YMA, Tlabung Branch chuan January 9, 2023 khan an khuaah ram dang aṭanga dan loa lak luh nia hriat kuhva rah eng emaw zat an man a, January 21, 2023-ah man nawn leh a nih hnuah January 26, Ningani khan hâl ral a ni.

Thu dawn danin, Tlabung Branch YMA chuan January 9, 2023 khan kuhva rah, truck pahniha phurh ip 300 chu Tlabungah an man a, khawchhak lam aṭanga lak a nih an rinhlelh avangin a neitute koin document an enfiahsak a, a neitute chu Kimi, Champhai khua nia insawi leh Mami, Khawbung khua nia insawite an ni. GST leh way bill an neihah Tlabung thlenga kal tur a ni a, chuvang chuan YMA hruaitute chuan Tlabungah an tiral lo a nih pawhin, phur lêt turin an hriattir a ni.

Kuhva rahte chu Chawngte lamah phurh a ni a, January 21 zan khan Bangladesh lam panpui turin Kawrpuichhuahah lawngah an hláng tih thu an hriat avangin an enfiah leh a ni. Lawnga hlàn tawh kuhva rah ip 57 chu an man nawh leh a; January 26 khan hâl a ni ta a ni.