Winter Basic Science Camp

Mizoram Science Society chuan nimin khan Pachhunga University College seminar hall-ah ni hnih awh tur Winter Basic Science Camp 2023 an buatsaih a, Horticulture Development Board vice chairman Prof. F Lalnunmawia, MLA-in a hawng.

Winter Basic Science Camp hi Mizoram Science Society hian Science & Technology department-in sum an pek hmanga an buatsaih a ni a, pawl 9 zirlaite tana buatsaih niin, vawiinah chhunzawma zawh a ni ang. Aizawla sikul 10 aṭangin zirlai 40 an tel a ni.

Nimin khan zirlaite chu PUC-a science zirtirtute'n Physics, Chemistry, Biology leh Geology-te an zirtir a, tlai lamah science laboratory hrang hrang an fanpui bawk.