Champhai dist-ah ruihhlo Rs 8,78,525 hû man tawh

Champhai District Narco Coordination Centre Committee chu an chairman James Lalrinchhana, district bawrhsap hoin nimin khan DC conference hall-ah ṭhukhawm. January 1, 2023 aṭanga nimin thleng khan Champhai district-ah ruihhlo Rs 8,78,525 hû man a nih tawh thu an tarlang.

Ṭhutkhawma tarlan danin, kumina ni 27 chhunga police-te'n ruihhlo an man dan chu - heroin gram 285.96, Rs 6,90,000 hù leh ganja kg. 6.35, Rs 9,525 hû a ni.

January 1-27, 2023 chhung khan police-te'n Champhai district-ah NDPS Act hnuaiah thubuai paruk an ziak lut a, a kaihhnawihah mi 10 man niin, man zinga pathum chu ram dang mi an ni.

Excise & Narcotics department-in ni 27 chhung vêkin heroin gram 895 an man a, Rs 1,79,000 hû a ni. NDPS Act hnuaiah thubuai pasarih ziak lutin, a kaihhnawihah mi 11 an man a; mi 11 man zinga pahnih chu ram dang mi an ni.

Police leh END-te'n January 1-27 chhunga ruihhlo an man zawng zawng chu Rs 8,78,525 hu a tling a; ruihhlo kaihhnawihah mi 21 manin, chu'ng zinga panga chu ram dang mi an ni a, NDPS Act hnuaiah thubuai 13 an ziak lût a ni.