Chite lui humhalh dan tur sawiho

Save Chite Lui Coordination Committee buatsaihin January 26, 2023 khan Chanmari YMA Hall-ah Chite lui vawn fai leh humhalh zel dan tur sawiho a ni a; Aizawl veng 16-a local council member-te leh tlawmngai pawl aiawhte an tel.

Save Chite Lui Coordination Committee chairman Dr Renu Sharma, chief secretary chuan, Mizoram sorkarin Chite lui vawn thianghlim ngaih pawimawh thu a sawi a, "Sorkarin a humhalhna dan eng emaw zat a siam tawh ṭhin a, a hlawhtlinna tak tak erawh chu mipui kutah a awm. Bawlhhlawh leh tuichhia paih danah mipui an fimkhur tâwk lo a, mi zawng zawng ṭan la thar leh turin ka sáwm a ni," a ti.

Chite lui kama awm veng leh khuate chu an pawimawh lehzual tih sawiin Renu Sharma chuan, neitu thinlung púa Chite lui chhe zel tur vèn kawngah theihtawp chhuah turin a ngen a; Chite lui chu lui thianghlim taka siam thuai a nih leh theihna turin sorkar department te, local council te, kohhrante leh tlawmngai pawlte thawhhona ṭha a pawimawh thu a sawi bawk.

Sawihonaah hian Aizawl district bawrhsap Dr Lalhriatzuali Ralte leh principal chief conservator of forests RK Singh te pawhin thu an sawi a ni.