PC-in AR sawn chhuak thei lo sorkar an dem

Peoples' Conference party chuan January 28, 2023 khan thuchhuah siamin, MNF kaihhruai Mizoram sorkarin Aizawl khawpui laili aṭanga Assam Rifles an sawn chhuak thei lo chu an dem thu an tarlang.

PC party chuan, Zoramthanga kaihhruai MNF party-in sorkarna an chan hmasak kum 10 chhungin Aizawl khawpui laili aṭangin AR-te an sawn chhuak thei lo tih sawiin, "Kum 5 dang sorkarna an hman zawh leh dawn ruaiah pawh AR sawn chhuahna hmél hmuh leh hriat tur kan nei thei lo hi Pu Zoramthanga kaihhruai MNF sorkar hian chhuanlam dang siam tawh loin, 'Kan hlawhchham let dèr a ni e,' ti tawh mai se kan duh," an ti.

Assam Rifles sawn chhuah chungchangah Home minister Amit Shah bàwlzàn mai mai tura awm lo tur leh vai hmaa zâm mai lo turin PC party chuan chief minister Zoramthanga an chah a ni.