SA hotu lu ber lo thleng

Khawvela Salvation Army hruaitu lu ber, Gen. Brian Peddle leh a nupui Com. Rosalie Peddel te chuan nimin chawhnu dar 2 khan Mizoram an rawn thleng a; Salvation Army, India Eastern Territory (IET) inkhawm­­pui an hmanpui dawn.

Gen. Brian Peddle leh Com. Rosalie Peddel te hi Lengpui Airport-ah IET territorial commander Col. Lalhmingliana hoin officer ṭhahnem takin an lo hmuak a; Mizoram sorkarin a mikhual (state guest) avangin a vahvelna tur leh thlenna te, pilot-te a pe a ni.

Salvation Army hotu lu hian vawiin hian press conference a nei dawn a, naktukah Chief Minister-in zanriah a buatsaihsak ang. February 2, 2023 zan aṭangin R Dengṭhuama Hall-ah Salvation Army Territorial Congress an hmanpui dawn.

A chàm chhungin Hun-thar Corps, Phun­chawng Corps leh Vaiva­kawn Corps biak-inte an hawng ang.