Jio True 5G tlangzarh

31st January, 2023

Nimin tlai khan hmarchhak state khawpui dang rualin Aizawlah Jio True 5G tlangzarh a ni.

Aizawla 5G kalpuina atan Jio chuan tower 15 an nei tawh a, February 2023 chhungin tower 41 neih hman an tum. Mizoram hmun dangah chuan sorkar kum thar lamah buaipui ṭan theih an beisei.

5G hi Aizawla Jio Office leh an outlet-ahte book theih a ni a, SIM card thlak kher loh pawhin 4G SIM card hmangte chu 5G-ah leh theih a ni.

Jio-a thawktute chuan, 5G-in mihring nunphungah awlsamna a thlen a, kawng hrang hrangin a ṭha zawngin mihring nun a thlâk danglam an beisei thu leh tunlaia mobile phone-ah chuan 5G hman theih deuh vek tawh a nih thu an sawi.