Kan pu hi a advance em em a, kan hriatthiampui phâk ṭhin lo - MLA K Pachhunga

MNF party mite chu nimin khan Mizo Hnam Rûnah an inkhawm a, Bamboo Development Board vice chairman Dr K Pachhunga, MLA-in thu sawiin, an pu ber chu a advance em avangin mipuiin an hriatthiampui phâk ṭhin lo niin a sawi.

Hnam Runa inkhawm-ah hian Dr K Pachhunga chuan mau chungchang sawiin, "Kan pu hi a advance em em a, mipuiin kan hriatthiampui phâk ṭhin lo a ni," a ti a; Mizoramah mau a tam tih sawiin, "Hengte hi technology thiamna hmanga hman ṭangkai theih a ni. Mizoram maute hi Taiwan-ah te, India institute-ahte kan thawn a, mau chi ṭha vek a ni, a ṭha ber chu mautak a ni," a ti.

Dr K Pachhunga chuan, MNF sorkar chu sorkar ṭha a nia sawiin, "Tui, gas leh buhfai supply bakah kawngpui ṭha kan nei. Raltlan buaipui kawngah pawh sorkar ṭha a ni. Kuhva leh smuggling thâwm lo ri fote hi sorkar duh dan a ni bik lo, theihtawpa ṭan rual a ngai," a ti. Sorkar beitute chu sokarah awm ve ta se, MNF hotute né pawh ek lo tur an nia sawiin, "Keini chu time tested leader nei kan ni a, harsatna tinréng paltlang tawh hruaitu nei kan ni,” a ti bawk.