Police leh AR-in kuhva ip 740 an man

Champhai police leh 42nd Assam Rifles ṭangkawp chuan January 30, Thawhṭanni zan khan an thu dawn bawhzuiin Champhai bula Chhungte khaw daiah Myanmar aṭanga dan loa lâk luh nia hriat kuhva rah ip 740 (kg. 33,300) an man.

Thu dawn danin, kuhva rahte chu lirthei pasarih aṭangin man a ni a, Myanmar aṭanga dan loa lak luh leh Aizawl lama phurh thlen tum nia hriat a ni. Champhaia Custom Preventive Force Superintendent hnenah dan anga bawhzui turin hlan a ni.