Zirna lama Siaha district harsatna Education Minister hnenah thlen

Mara Thyutlia Py (MTP) Gen.Hqrs, Siaha hruaitute chuan nimin khan School Education minister Lalchhandama Ralte chu a pisaah an hmu a, zirna lama Siaha district-a harsatna hrang hrang an thlen.

MTP assistant general secretary N Solomon chuan, Siaha district chu Mizorama district upa ber pawl ni mahse zirna lamah an hniam tawh thu a sawi a; Siaha Higher Secondary School chu an district-a sorkar HSS awm chhun a ni tih sawiin, zirlai 900 vel awmte chu zirtirtu 19-in an enkawl a, an enkawl hneh loh thu a sawi.

N Solomon sawi danin, Siaha HSS-a zirtirtu 19-te chu a ngheta thawk 15, SEDP hnuaia thawk pathum leh MLA fund aṭanga rawih mi pakhat an ni.