MSSSB Chairman chungchangah MZP leh sorkar an inrem

MZP-in Mizoram Subordinate Services Selection Board (MSSSB) chairman Ram­hmangaiha Ralte bân an phût chungchangah nimin khan MZP leh Mizoram sorkar an inrem a; vawiina MZP bultuma Aizawla kawngzawh huaihawt tum chu ṭhulh a ni.

MSSSB Chairman bân phûtin zirlaite chuan February 1, Nilaini khan MSSSB Chairman pisa kai tur an dang a, minister-te nen an inbiaknaah inremna an siam theih loh avangin nimin khan MZP leh college students' union hruaitute chu Chairman pisa kai tur dang turin an kal khawm leh a ni.

MZP hruaitute chu School Education minister Lalchhandama Ralte nen a pisaah nimin khan an inbe leh a; MZP hruaitute chuan sorkar thu kente chu ṭhukhawma an ngaihtuah hnuah an pawm ta a ni.