Police-te'n kuhva rah an man
Mizoram police-te chuan January 1, Nilaini zan khan Kolasib Rengtekawna temporary checkgate-ah hnam dang truck pakhat aṭangin ram dang aṭanga dan loa lak luh kuhva rah ip 155 (kg. 12,400 vel) an man a, lirthei khalhtu Suhil Ahmed (27), Karimganj, Assam an man nghal.
Nilaini vek khan Rengtekawn checkgate-ah tho hian Assam lirthei pahnih aṭangin dan loa kuhva lak luh nia hriat ip 88 (kg. 7,000 vel) an man a; lirthei khalhtu Kamrul Islam (38) s/o Monjir Ali, Karimganj leh Kairul Islam (35) s/o Isus Ali Laskar, Bagha, Assam-te an man bawk.
Police thuchhuah tarlan danin, kuhva rahte chu Myanmar aṭanga dan loa lak luh, Karimganj lama phurh thlen tum a ni a; Kolasib Police Station-ah thubuai ziah luh a ni.
Police-te chuan Jan 31, 2023 tlai khan Khawzawl district-a Tuisenphai checkgate-ah 407 truck MZ-04 A-5679 aṭangin kuhva rah ip 55 (kg. 4,400) an man a, lirthei khalhtu Laldingngheta (23) s/o Chawiliana, Buang, Champhai district nia inchhál pawh an man nghal. Kuhvate chu Champhaia Custom Preventive Force hnenah an hlân.
January 31, 2023 vêk khan police-te'n Champhai Khankawn checkgate-ah kuhva rah ip 6 (kg. 420) leh a neitu nia hriat Lalruatfela (36) s/o Laihmingthanga, Champhai Zion Veng nia inchhál an man a; Customs hnenah an hlan. Kuhva rah mante chu Myanmar aṭanga dan loa lak luh nia hriat a ni.