Chief Minister hoin Aizawl Cheibawl dan tur thlirho

Chief minister Zoram­thanga hoin nimin khan sorkar hotute'n Aizawl khawpui cheibâwl leh tihhmasawnna tur, Aizawl Sustainable Urban Transport Project (ASUTP) hnuaia ruahman­na duan chhinte an thlirho.

Ṭhutkhawmah hian ADB fund hmanga khawpui cheibâwl leh tihhmasawn hnathawka hmalak theihna hrang hrang tarlan niin, project siam theihte chhawp a ni. Tam zawka public transport hman, khaw chhung fai zawk leh mihring kalna pavement zauh, lirthei dahna leh parking fee khawn dan changkang zawk siam, kawng pengṭhuam pawi­mawh tak takte tihhma­sawn leh a dangte a tel.

Ṭhutkhawmah hian UDPA changtu deputy chief minister Tawnluia, Land Revenue & Settlement minister Lalruatkima, Planning Board vice chairman H Rammawi, AMC mayor Lalrinenga Sailo leh mi pawimawh dangte an tel a ni.