Chapchar Kûta G20 palaite sàwm dan tur rêl

Chief minister Zoramthanga kaihhruaiin nimin khan CMO conference hall-ah Chapchar Kût Organizing Committee leh G20 Mizoram Core Committee hruaitute an ṭhukhawm a; March 2, 2023-a Aizawla G20 Business Meeting neih tura ram dang palaite Chapchar Kût chhim tura sâwm chungchang an sawiho.

March 2, 2023-ah Aizawlah G20 Business Meeting neih a ni dawn a, chuta tel turte chu March 1-ah an rawn thleng ang a, March 3-a Mizoram chhuahsan leh tur an ni. Aizawl an chhuahsan ní tur hi Chapchar Kût a nih avangin chhim ve nghal tura palaite sawm chungchang an sawiho a ni.

Ṭhutkhawmah hian B20 meeting neih dan tur leh palaite awm dan tur te, sorkar inpuahchahna leh hmabak awm te, Chapchar Kûta hun hman dan tur ruahmante sawiho a ni a; G20 palaite'n Mizo hnam zia an tem ve theihna tur te, mikhualte lo lawm dan tur leh lirthei tlan dan tur te, sum sên belh tur mamawhte ruahmanin, a remchan anga sorkar laipuia thlen an rél a ni.