YMA-in gas tihchingpen an man

Central YMA Kumpuan Sub-Committee chuan an thu dawn bawhzuiin nimin zing khan Khamrangah eirawng-bawlna gas tihchingpen bûr 318 an man.

CYMA Kumpuan Sub-Committee hian January 2, Ningani zan aṭang khan Kham-rang leh a chhehvelah gas tihchingpen a awm leh awm loh an dap a, nimin zing dar 9 vel khan truck aṭangin gas bûk tling lo an man a ni. Truck hi Hasa Lasaker, Assam khalh a ni a, ani hian gas an tihchingpen thu a sawi.

Gas mante chu bûk vek a ni a, bûk tling a awm lo. Gas bûk tling lote leh a phurhna lirthei chu CYMA Kumpuan Sub-Committee chuan Legal Metrology hnenah an hlan a ni.