Tuialhthei leh gas zawn dan tur sawiho

Commerce & Industries minister Dr R Lalthangliana hoin nimin khan Secretariat conference hall-ah Mizorama tuialhthei leh gas zawn hna chak zawka thawh dan tur sawiho a ni.

Ṭhutkhawmah hian PWD, Commerce & Industries leh Geology & Mining department hotu te, Oil India, Directorate General of Hydrocarbons (DGH), Oil and Natural Gas Corporation (ONGC) leh National Highways & Infrastructure Development Corporation (NHIDCL) hotute an tel.

Ṭhutkhawmah hian tuialhthei zawnna atan bungraw rit leh lian thiar luh a ngaih ṭhin avangin inkalpawhna kawng ṭha mamawh a nih thu tarlan a ni a; Mizoram PWD-in bailey bridge an dawh mekte chak zawka dawh zawh ni se, NHIDCL-in kawngpui an siam mek zingah lei verhna tur hmun panna kawngpuite siam zawh thuai a nih theih nan ngaih pawimawh bikah nei se, an ti.