Zoramin theihna hâi chhuah tur tam tak a nei - Chief Minister

National Bank for Agriculture and Rural Development (NABARD) chuan January 2, Ningani khan Aijal Club-ah State Credit Seminar an buatsaih a, an hun hmanpuitu chief minister Zoramthanga chuan, Mizoramin theihna hai chhuah tur tam tak a neih thu a sawi.

CM Zoramthanga chuan, state dangin leilung hausakna an neih ang Mizoramin nei ve vek lo mahse theihna hâi chhuah tur tam tak a neih thu a sawi a, "Chu potential hâi chhuak tur chuan kan ngaihtuahna her danglam a ṭul," a ti.

NABARD-in state hmasawnna tura hma an lak tawhte chu lawmawm a tih thu sawiin Zoramthanga chuan, State-in chak zawk leh rualkhai taka hma a sawn theih nan bank-te an pawimawh," a ti.

Seminar-ah hian chief secretary Dr Renu Sharma, NABARD Mizoram general manager KVSSLV Prasada Rao leh Mizoram Rural Bank chairman V Jaya Chandra te pawhin thu an sawi a ni.