PM-KISAN hmalakna sawiho

Lawngtlai District Grievances Redressal and Monitoring Committee chu an chairman Amol Srivastava, bawrhsap hoin nimin khan an ṭhukhawm a, Pradhan Mantri Kisan Samman Nidhi (PM-KISAN) hnuaia hmalaknate an thlirho.

Ṭhutkhawma tarlan danin, PM-KISAN hi kum 2019 aṭangin Mizoramah kalpui a ni a, scheme hnuaia inziak lut kut hnathawktu, ram nei ngeite chu kum tin bank kaltlangin ṭanpuina Rs 6,000 pek ṭhin a ni. January 31, 2023 thlengin Lawngtlai district-a RD block palia khaw 176-ah inziak lut mi 77,895 an awm.