Lei laih vangin kawng a bal

MG Road-a Central YMA pisa bula kawng chhak lama mimalin in sakna tur an laih chu nimin zing dar 2 vel khan a min a, a chhaka Sikulpuikawn-Tuikhuahtlang kawngpui chanve vel a bal. Hei vang hian Sikulpuikawn-Tuikhuatlang kawng chu khâr rih a ni.

Leimin hi nimin tlai khan Aizawl DC aiawh, Aizawl Municipal Corporation (AMC) hotu te, Geology & Mining, PWD leh Tuikhuahtlang Local Council hotute'n an enfiah a; kawng bal chu a rang lama dâwl chhoh ni se, AMC-in design siamin pawm vat se, an ti.

Thu dawn danin, lei laitu hi AMC-in laih phalna an pe a, in sak phalna an dil mek pawh AMC-ah a inchiah mek a ni.