Home Minister-in UCC dodalna Assembly session-ah a pu lût dawn

Home minister Lal­chamliana chuan February 7, 2023-a ṭan tur Mizoram Assembly budget session-ah Uniform Civil Code (UCC) dodalna official reso­lution a pu lut dawn.

Vanglaini thu dawn danin, UCC dodalna official resolution tur hi Home department-in an buaipui mek a, Home Minister-in House-a a put luh ní tur tak erawh hriat a la ni lo. Home Minister-in a put luh hnuah UCC dodalna official resolution hi member-te'n an sawiho ang a, pawm tum a ni ang.

Tarlan tawh angin, chief minister Zoram­thanga hoa January 23, 2023-a MNF Legislature Party (MLP) ṭhukhawm chuan Uniform Civil Code (UCC) ṭha lo an tih thu an tarlang.

MLP chuan, UCC hmang tura hmalakna awm mek chu ṭha an ti lo a, "Assembly budget session lo awm turah hian lungrual taka UCC duh lohna pass dan kawng dap ni se," an ti a ni.