MBSE zir chiang tur an rawn zin

Chhattisgarh Board of Secondary Education member palite chu Mizoram Board of School Education (MBSE) zir chiang turin an rawn zin a, February 3, 2023 khan MBSE hotute nen an inkâwm.

Chhattisgarh BSE lehkhaa tarlan danin, MBSE hmalakna hrang hrang - bilingual textbook (zirlaibu ṭawng chi hniha siam) te, Covid-19 lên vanga ram pumah inkharkhip puan a ni chunga MBSE-in HSLC leh HSSLC exam offline-a a buatsaih theih dante zir tura rawn kal an ni.